உடலுக்கு வலு சேர்க்கும் தூதுவளை சூப்

தூதுவளையை அடிக்கடி உணவில் சேர்த்து வந்தால் உடலுக்கு வலு சேர்ப்பதுடன் இருமல், இரைப்பு, சளி முதலியவை நீங்கும். இன்று தூதுவளை சூப் செய்வது எப்படி என்று பார்க்கலாம்.

தூதுவளை இலைகள் – 20,
கொத்தமல்லித்தழை – சிறிது,
சின்ன வெங்காயம் – 5,
சீரகம் – 1/4 டீஸ்பூன்,
முழு பூண்டு – 4 பல்,
நெய் – 2 டீஸ்பூன்,
உப்பு – தேவைக்கு,
மிளகுத்தூள் – 1/4 டீஸ்பூன்.

செய்முறை :

கொத்தமல்லி, தூதுவளைக்கீரையை நன்றாக சுத்தம் செய்து பொடியாக நறுக்கி வைக்கவும்.

பூண்டு, வெங்காயத்தை தோல் நீக்கி வைக்கவும்.

கடாயில் நெய் விட்டு சூடானதும் சீரகம் தாளித்து பூண்டு, சின்ன வெங்காயம் சேர்த்து நன்கு வதக்கி, கொத்தமல்லித்தழை, தூதுவளை இலையை போட்டு 5 நிமிடம் நன்றாக வதக்கி இறக்கவும்.

வதக்கிய பொருட்கள் ஆறியதும் தண்ணீர் விட்டு அரைக்கவும்.

மற்றொரு பாத்திரத்தில் அரைத்த விழுது, தேவையான தண்ணீர், உப்பு சேர்த்து கொதிக்க வைத்து இறக்கவும்.

சூடாக இருக்கும் போதே மிளகுத்தூளை தூவி பரிமாறவும்.

Author: lankann

Leave a Reply

Your email address will not be published. Required fields are marked *